Augas de Galicia formaliza o contrato das obras de Areal, Pedroso e Coque

A Consellería de Infraestruturas e Mobilidade, a través de Augas de Galicia, vén de formalizar esta semana o contrato para executar as obras. Trátase de saneamento e abastecemento nos núcleos de Areal, Pedroso e Coque, no concello de Arteixo. Este contrato, adxudicado á empresa Proyecon Galicia S.A., contará cunha achega que ronda os 144.000 euros e dispón dun prazo de execución des tres meses.

A intervención consistirá na execución dunha rede de fecais cunha lonxitude total de 1.546 metros de tubaxe. Esta constará de dous colectores principais e dous secundarios. Recollerán os vertidos das vivendas situadas a ambas marxes da estrada AC-552 para conducilos á estación depuradora de augas residuais (EDAR) de Groba. A rede de abastecemento terá unha lonxitude de 933 metros, que se conectará coas tubaxes existentes. Instalarase un grupo de presión para alcanzar a cota máxima de 253 metros que é á hai que dar servizo.

Larín de Arriba

Cómpre lembrar que esta obras veñen a sumarse a outra intervención de proxecto de mellora de saneamento e abastecemento noutros núcleos desta parroquia de Larín, concretamente en Larín de Arriba, Salto do Carro e Groba de Abaixo. Neste caso, a intervención foi adxudicada por máis de 132.000 euros á empresa Construcciones Ramón Vázquez y Reino, S.L.

Ademaís, a Xunta, con estas actuacións, segue avanzando e traballando para darlle resposta ás necesidades do concello e no seu apoio ao desenvolvemento das infraestruturas hidráulicas. Nesta parroquia, está a rexistrar unha crecente actividade turística, polo que é precisa a ampliación destes servizos municipais.

A intervención está cofinanciada por Augas de Galicia a través do fondo europeo Feader no marco do Programa de Desenvolvemento Rural (PDR) Galicia 14-20.