I Concurso de microvídeos "De fronte á violencia de xénero"

A Deputación Provincial da Coruña convoca  I Concurso de microvídeos "De fronte á violencia de xénero".

O obxecto do certame é elaborar un microvídeo a través do cal se xere reflexión, conciencia, sensibilización, identificación e prevención das violencias de xénero dixital, entendidas estas como todas as condutas de violencia de xénero que se exercen a través das novas tecnoloxías, redes sociais e/ou en Internet: ciberacoso, sexting, sextorsión, stlaked, grooming, shaming, doxing ou calquera outra forma de acoso nas redes.

Poderán participar todas as persoas físicas con idades comprendidas entre 12 e 18 anos, que se presenten individualmente ou en grupo. É importante a participación da comunidade educativa (profesorado, familias e contorna) como piar necesario para guiar e orientar o proceso de creación.

Cada participante só poderá presentar un único microvídeo orixinal e inédito, non premiado con anterioridade nin difundido publicamente antes por ningún tipo de soporte nin canle.

Outorgaranse ata 10 premios de 1000 euros.

O prazo de presentación: 14:00 horas do día 15 de xuño de 2023

Neste enlace pódese atopar mais información sobre as bases, un repositorio de recursos sobre conceptos relacionados coas violencias dixitais, catro audiovisuais explicativos e un xogo interactivo sobre Que sabes das violencias dixitais? que poden axudar.