Premios gráficos e audiovisuais en escolas galegas do concurso no día da violencia de xénero

A violencia de xénero foi a protagonista neste certame.

O xurado do concurso convocado pola Xunta polo 25-N, Día internacional contra a violencia de xénero, puxo en valor a propostas gráficas e audiovisuais presentadas á presente convocatoria polo alumnado galego de centros de ensino non universitario. Escolares de Lugo, Navia de Suarna, Ferrol, Lalín, Sanxenxo e Santiago de Compostela resultaron premiados polas pezas gráficas e audiovisuais coas que quixeron contribuír a facer unha valoración crítica sobre a violencia de xénero. Os galardóns concedéronse no curso dunha gala que celebrouse o 24 de novembro no Museo Pedagóxico de Galicia en Santiago de Compostela.

Gañadores do certame

Para comezar, como gañador na 1ª categoría -para alumnos de 5º e 6º de educación primaria e de 1º e 2º de Educación Secundaria Obrigatoria (ESO)- o grupo do CEIP Casás de Lugo, pola peza audiovisual Xuntas e xuntos somos a forza. E como segundo posto, outro centro de Lugo destacou pola calidade da súa proposta en vídeo co traballo. Alza a túa voz, elaborado por sete alumnos e alumnas do IES Ánxel Fole.

Tamén, na 2ª categoría -dirixida a 3º e 4º de ESO e 1º e 2º de Bacharelato, FP básica e de ciclos de grao medio e superior- o primeiro posto na modalidade de imaxe gráfica foi para unha alumna do Ies Saturnino Montojo de Ferrol pola obra "Non deixes que te devoren". Concedéronse tamén un segundo premio, ao IES Laxeiro de Lalín, polo traballo en equipo "Nas mans de todas-os está a escalada da violencia de xénero frear" e un accésit a unha alumna do IES Lamas de Abade de Santiago de Compostela por "Non deixes que volva a pasar".

Obxectivo da iniciativa

Con esta iniciativa a Consellería de Emprego e Igualdade, promotora do concurso, destacou as mensaxes claras e rotundas para facer unha reflexión sobre esta lacra, co foco posto na prevención, na detección precoz e na intervención.