Visita do CEIP Bergantiños ao Concello de Carballo

Visita do alumnado do CEIP Bergantiños á casa do Concello de Carballo.

Un total de 76 nenas e nenos, do CEIP Bergantiños, visitaron a casa do Concello de Carballo. Despois da visita que realizou semanas atrás o alumnado de segundo curso de primaria, esta vez foi a quenda da rapazada de terceiro, e xa hai programada outra visita dos de cuarto curso para o mes que vén. 

A visita de comezou coa recepción dos nenos e nenas no salón de plenos por parte do alcalde, Evencio Ferrero, que nesta ocasión estivo acompañado polo concelleiro Luis Lamas e que, como é habitual, tivo que responder a todo tipo de preguntas, unhas máis persoais e outras máis relacionadas coa súa actividade política.

O percorrido polas dependencias municipais incluíu distintos departamentos e rematou nas dependencias da Policía Local, que son as preferidas dos escolares, e marcharon todos contentos coas súas mochilas, que esta vez levaban dentro un estoxo.