Sanidade cita á infancia para recibir a segunda dose da vacina de gripe

A Xunta de Galicia cita aos nenos e nenas para recibir a segunda dose da vacina de gripe en hospitais.

Asi, desde a consellería de Sanidade, desde o mércores 14 de decembro, se cita aos nenos e nenas de entre 5 e 59 meses que se vacinaron da gripe, para a administración da segunda dose.

Ademais Sanidade enviará citacións por SMS indicando o día e a hora para acudir ao mesmo centro onde recibiron a primeira dose.

A poboación pediátrica de Santiago, que se vacinou dentro do programa piloto, será citada:

• a partir do 14 de decembro, para o sábado 17 de decembro, pola tarde
• ou para o domingo 18 de decembro, en horario de mañá.

O lugar da cita é no servizo de pediatría do Complexo Universitario de Santiago de Compostela.

Tamén ao resto dos nenos e nenas que recibiron a vacina unha semana mais tarde noutras áreas sanitarias, se lles enviarán SMS o martes, 20 de decembro, para ser citados entre o 23 e o 27 de decembro, dependendo da área sanitaria á que pertencen, coa seguinte previsión:

• CEE, FERROL, O BARCO E VERÍN: venres, 23 de decembro, en horario de tarde
• A MARIÑA, MONFORTE, BARBANZA, O SALNÉS, SANTIAGO, OURENSE, PONTEVEDRA E LUGO: venres, 23 de decembro e luns, 26 de decembro, en horario de tarde
• CORUÑA E VIGO: venres 23 de decembro, luns, 26 de decembro e martes, 27 de decembro, en horario de tarde