Os nadadores do CNA compiten no Campionato de España Absoluto en Palma de Mallorca
Este xoves día 25 comeza o LXV Campionato de España Absoluto en piscina de 25 metros en Palma de Mallorca, nas Piscinas de Son Hugo. Durará ata o domingo día 28 e constará de sesións eliminatorias polas mañáns e finais pola tarde. O Club Natación Arteixo acude con dous deportistas, Paula Otero, que está inscrita nada máis e nada menos que en seis probas, 100, 200, 400, 800 libre, 200 bolboreta e 200 estilos; e Miguel Ángel Gómez, que nadará a proba de 200 braza. Esta competición é a primeira cita importante a nivel nacional, a plataforma de saída para tódalas competicións que máis adiante se celebrarán en piscina de 50 metros. Será retransmitida por streaming, este está a disposición na páxina web da RFEN.
