Solicitadas 80 licenzas para a instalación de quioscos de praia, tres en Arteixo

A Consellería de Medio Ambiente, Territorio e Infraestrutura, a través da Secretaría Xeral de Ordenación do Territorio e Urbanismo (SXOTU), está a reordenar a implantación dos quioscos na servidume de protección das praias da Comunidade autónoma.

Para esta tempada, que dará comezo o vindeiro día 1 de xuño, xa se teñen solicitado un total de 80 quioscos, repartidos entre 58 praias pertencentes a 19 concellos. Do total de quiosco que se solicitaron un 62,5% se corresponden con areais da provincia de Pontevedra, sendo os concellos de Cangas e Bueu, con 20 e 13 quioscos respectivamente, os que ofrecerán máis servizos deste tipo aos usuarios dos areais. Vigo e a Illa de Arousa ocupa a terceira posición, con 7 instalacións deste tipo.

Condicións

1. Todas as súas conducións de servizo terán que ser soterradas e o sistema de saneamento garantirá unha eficaz eliminación das augas residuais, así como a ausencia de malos cheiros.

As instalacións deberán conectarse á rede de saneamento xeral , si existe, quedando en todo caso prohibidos os sistemas de drenaxe e absorción que podan afectar á área ou á calidade das augas de baño.

2. Salvo o rótulo indicador do establecemento, sempre que se coloque na súa fachada e non supoña unha redución do campo visual, queda prohibida a publicidade a través de carteis ou vallas ou por medios acústicos ou audiovisuais.

3. Unha vez extinguida a autorización, o 30 de setembro de 2013, o quiosco deberá ser retirado no prazo máximo de quince días.

4. Deberanse obter as licencias municipais e demais autorizacións e informes preceptivos, segundo o disposto na lexislación sectorial que sexa de aplicación.

5. En caso de atoparse no espazo natural REDE NATURA, deberá obter autorización do Servizo de Conservación da Natureza desta Consellería.