O
departamento de Seguridade Cidadá do Concello de Arteixo establece
as normas de seguridade para solicitar e celebrar as “Fogueiras da
Noite de San Xoán 2019”. Estas mesmas normas fanse extensivas á
celebración de Fogueiras durante o mes de xuño, sexa a noite do 23
o calquera outro día.
Distinguirase
entre a celebración de Cacharelas/Sardiñada en propiedade privada e
na vía pública, neste último suposto onde só poderán celebrarse
as solicitadas por colectivos ou
asociacións.
Cacharelas
en espazos públicos e privados
1)
As persoas, organizacións e
comunidades que desexen realizar unha cacharela na súa zona de
residencia deberán presentar a solicitude correspondente no Rexistro
Xeral do Concello dende o 5 de xuño
ata as 14:00 horas do 21 de xuño,
sinalando o nome, enderezo, teléfono e fotocopia do D.N.I. dos
responsables da organización ou comunidade, así como todos os datos
que constan no modelo de solicitude. As persoas responsables teñen
que ser maiores de idade. Os particulares poderán tamén facer a súa
solicitude a través da páxina web do Concello: www.arteixo.org
.
2)
A solicitude debe ir acompañada
dun plano de situación do espazo público (no privado non se
necesita plano) no que se vai a situar a cacharela, así como da
situación de todos os elementos, que ademais da cacharela se
coloquen no espazo autorizado.
3)
As/os organizadores deberán
coidar os arredores e coñecer o número de teléfono DE EMERXENCIAS,
A SABER: 112, Bombeiros (981 60 27 40), Protección Civil (981 64 14
14) e Policía Local (092).
4)
Zona urbana: O volume do
combustible da cacharela non sobrepasará os 3 metros de perímetro,
nin un metro de altura.
5)
Rural: O volume do combustible da cacharela non sobrepasará os 6
metros de perímetro/diámetro nin 3 metros de altura.
6)
A separación entre as cacharelas, edificios, árbores, vehículos e
mobiliario urbano serán como mínimo de 12 metros, excepto no casco
urbano.
7)
Porase especial coidado de non situalas baixo tendidos eléctricos ou
telefónicos, así como que nos arredores non exista ningún local no
que se almacene produtos inflamables.
8)
Prohíbese a queima de neumáticos, plásticos, espumas de
poliuretano, aceites, e en xeral de calquera substancia que ao arder
desprenda fume tóxico.
9)
En ningún caso se botarán ao lume recipientes que conteñan
líquidos inflamables ou gases a presión (sprays), aínda que estean
baleiros.
10)
No suposto de que a cacharela/sardiñada ou análogo se faga sobre
terreos de uso público pavimentados, asfaltados ou enlousados, os
organizadores encargaranse, pola súa conta, de protexer o pavimento
cunha capa de area de 10 cm. Así mesmo todos eles disporán nas
proximidades dun extintor de polvo de 5kg.
-
A hora límite para rematar a celebración é as 03:30 horas da
madrugada, de acordo co horario establecido no Decreto da Xunta de
Galicia, para a celebración de festas e romarías populares.
-
Ao finalizar a cacharela e antes de abandonar o lugar da mesma, os
responsables da organización coidarán de que as cinzas queden
totalmente apagadas.
-
Será obrigatoria a limpeza do espazo autorizado ao remate da
actividade, incluídos os elementos utilizados para o desenvolvemento
do mesmo, inmediatamente despois de rematar a cacharela e/ou
sardiñada.
-
Cumprir o establecido na Lei 11/2010, de 17 de decembro, de
prevención do consumo de bebidas alcohólicas en menores de idade.
A
concesión de solicitudes deberá ser aprobada no caso das
cacharelas/sardiñadas na propiedade privada e no caso das
cacharelas/sardiñadas na vía pública polo Concelleiro Delegado de
Seguridade debendo de contar todas elas co visto bo do Servizo de
Protección Civil e da Policía Local.
Prohíbese
expresamente a celebración de Cacharelas de San Xoán nos seguintes
lugares: Praza do Balneario, Campo
da Festa, zonas peatonais do Concello, zonas axardinadas municipais.
-
O desenvolvemento de celebración das cacharelas e sardiñadas deberá
axustarse ao permiso concedido e as ordenanzas municipais.
-
Nas cacharelas e sardiñadas que se celebran en espazos públicos,
terán prioridade as Asociacións
Veciñais e Culturais.
-
As organizacións atenderán as reivindicacións de Policía Local,
Protección Civil e dos Bombeiros.
O cumprimento destas
normas será verificado polo persoal do Servizo de Extinción de
Incendios E Protección Civil que, se é o caso, dará conta á
Policía Local das infraccións.
