Once nadadores arteixáns peregrinan a nado a Caión

Nove rapaces e dúas rapazas, a maioría integrantes do Club Natación Arteixo, conseguiron completar a tradicional peregrinación a nado aos Milagros.
Foto de grupo da saída na Praia da Salsa. (2019)
photo_camera Foto de grupo da saída na Praia da Salsa. (2019)

Coincidindo coa baixa da Virxe dos Milagros, once nadadores cubriron o percorrido de 4 km entre a praia da Salsa (Relojero, Arteixo) e o Porto de Caión. Nove rapaces e dúas rapazas, a maioría integrantes do Club Natación Arteixo, conseguiron completar a tradicional peregrinación a nado aos Milagros.

As condicións do mar foron favorables en canto ás ondas. Sen embargo, foi a temperatura da auga, próxima aos 15 graos, a principal dificultade ca que se toparon. Durante a travesía, os nadadores contaron co apoio dos servizos de Protección Civil de Arteixo. Na chegada, familiares e amigos recibiron aos deportistas. Nesta ocasión a travesía a nado tivo un motivo especial ao realizarse na memoria da nadadora do Club Natación Arteixo, Romina Cerviño.

Foto da chegada a Caión na que participou a difunta nadadora Romina Cerviño. (2007)