Os nacionalistas levan a pleno crear unha oficina de apoio dixital e medidas contra os abusos bancarios
O Bng de Arteixo leva ao pleno de Arteixo de mañá, unha ambiciosa moción para a creación dunha oficina de apoio dixital e a adopción de medidas contra os abusos bancarios. "A transformación dixital é imparable e ofrece comodidades para a xente preparada. Porén, hai que ter a fenda dixital existente para outras persoas sen coñecementos ou medios. A pandemia serviu de desculpa ás entidades bancarias para diminuír o trato presencial sí como para pechar oficinas", explican.
Lembramos que o grupo municipal xa conseguiu a creación dunha aula CeMIT no municipio. Agora vai un paso máis. Piden a creación dunha “Oficina de apoio dixital” axude á veciñanza nos trámites dixitais coa administración e coas entidades bancarias. Así mesmo, propón que "o Concello só estableza relacións bancarias con entidades que traten de xeito correcto aos clientes e que non pechen oficinas no concello".
Pola igualdade
A outra moción que presentan a pleno é o apoio ás mobilizacións feministas do 8 de marzo e a demanda dos compromisos incumpridos por diferentes institucións. Ademais, esixir á Xunta de Galiza o cumprimento de impulsar cláusulas de igualdade na contratación pública galega. Tamén, demandarlle a elaboración dunha nova Lei de igualdade.
Rogos e preguntas
Por outra banda, preguntará sobre o Parque Eólico Mariño Nordés e do San Brandán. Tamén leva dous rogos:
- Indicar cun sinal a prohibición do aparcamento de camións no Rañal e habilitar xa o espazo alternativo
- Crear na obra da Fonte do Abade en Oseiro un espazo de parada que permita aos autobuses parar fóra da AC-415, dando fluidez ao tráfico.
