O domingo 8 de outubro celébrase no noso municipio o "Primeiro Trialbici Arteixo" organizado polo Club Trialbici Coruña en colaboración co Club Motomontañismo Arteixo.
A competición constará de 5 zonas, 3 delas naturais e 2 artificiais distribuídas na contorna do monte da Penouqueira, onde ciclistas de toda Galicia, Asturias e Portugal, tratarán de superar os distintos obstáculos coas súas bicicletas. Cunha inscrición de máis de 60 deportistas de todas as idades, o espectáculo sobre dúas rodas estará garantido.
