O venres 6 de abril ás 20:00 h, terá lugar a actuación de “Como di vostede?” pertencente á XIX Mostra de Teatro Afeccionado de Arteixo da man do Grupo de Expresividade Teatral de SS SS, no auditorio do CSC de Meicende.
Adaptada e traducida da obra de Julián Herrero Santiago: “Rosita la criada sordita”, “Como di vostede?” conta a historia dunha muller chamada Rosiña que traballa como empregada nunha casa da nosa cidade. Rosiña é moi boa e traballadora pero ten un defecto... que é xorda ou que se fai a xorda, que todo pode ser...
A obra está dirixida a todos os públicos, a entrada e de balde e con invitación a recoller 1 hora antes do espectáculo no CSC de Meicende (até completar aforo)
