Cursos de smartphones e tablets en Oseiro, Monteagudo e Larín
03 de junio de 2022 (13:00 h.)
En caso de superarse as 12 prazas dos distintos cursos, realizarase un sorteo público o día 13 de xuño ás 9:00 horas no Pazo dos Deportes
O período de inscrición aos cursos e do 3 ao 10 de xuño
O departamento de Participación Cidadá, da Concellaría de Deportes, Xuventude e Participación Cidadá organiza novos cursos de Smartphones e Tablets. Impartiranse nos Centros Sociais de Oseiro, Monteagudo e Larín cunha duración de 10 horas e un custo de 5 euros.
O periodo de inscrición e do 3 ao 10 de xuño, de forma presencial no departamento citado ou remitindo a folla de inscrición ao correo participacion.cidada@arteixo.org.
O número de prazas en cada curso son 12. En caso de superarse o cupo de inscricións realizarase sorteo público o día 13 de xuño ás 9:00 horas no Pazo dos Deportes. O periodo de pago é do 13 ao 15 de xuño.