Patricia Boedo presenta a candidatura completa do Psoe Arteixo o domingo 7

O acto celebrarase o domingo 7 de maio ás 12.00 horas no auditorio do Centro Cívico. Contará coa participación do deputado autonómico e secretario xeral de PSOE de Arteixo, Martín Seco, a subdelegada do Goberno na Coruña, María Rivas, e o alcalde de Culleredo, Jose Ramón Riobóo

A candidata do PSdeG-PSOE de Arteixo, Patricia Boedo, presentará a candidatura completa do PSOE de Arteixo ás eleccións municipais o domingo 7 de maio ás 12:00 horas no auditorio do Centro Cívico. O obxectivo da formación é “gobernar para todos e todas nun Arteixo integrador e dialogante”.

O acto contará coa participación do deputado autonómico e secretario xeral de PSOE de Arteixo, Martín Seco, a subdelegada do Goberno na Coruña, María Rivas, e o alcalde de Culleredo, Jose Ramón Riobóo

Baixo o lema "Coa mirada na xente" a candidata socialista presentará aos veciños e veciñas das distintas parroquias que a acompañan na lista. A intención é “asumir como nosos os problemas da veciñanza e facer das súas demandas unha prioridade”.

“Para mellorar Arteixo é preciso estar en cada punto do territorio pero tamén no tecido social, educativo, asociativo e empresarial” afirma Boedo. “Por iso esta candidatura está formada por 25 compañeiros e compañeiras representativos de toda a sociedade arteixá. Desde todas as parroquias e barrios e de todos os perfís sociais. Compañeiros e compañeiras con gañas de aportar a súa experiencia e o seu traballo e que teñan a mesma ilusión que a candidata por facer de Arteixo un lugar mellor para vivir.”

Candidatura PSDEG-PSOE Arteixo

• 1. Patricia Boedo Naya
• 2. Fernando Vázquez Martínez
• 3. Ana Cedeira Zas
• 4. Luis Vázquez Fernández
• 5. Charo Figueiras Icasuriaga
• 6. Juan Carlos Añón Álvarez
• 7. Eva Sánchez Ramilo
• 8. Martín Seco García
• 9. Vanesa Cerdeiro Lema
• 10. Daniel Turrado Vázquez
• 11. Virginia Vázquez Varela
• 12. Simón López Fernández
• 13. Cristina Calvo Espasandín
• 14. Julio Iglesias Fernández
• 15. Lucía Vázquez Mosquera
• 16. Pablo Hernández Pérez
• 17. Pilar Bello López
• 18. Faustino Vázquez Prego
• 19. Tamara Figueroa Cedeira
• 20. Secundino Núñez Ruíz
• 21. Lucinda Regueira Regueira 

• SUPLENTES:
• 22. Ángel Díaz Souto
• 23. Beatriz Pardo Aldao
• 24. Álvaro Esmorís Suárez
• 25. Raquel Martínez Vázquez