Dúas mil prazas para actividades deportivas de verán en Arteixo

O Servizo Municipal de Deportes presenta o Programa Deportivo de verán 2021

Máis de 2.000 prazas de diferentes actividades oferta o Concello de Arteixo neste verán. As mesmas, contan coa colaboración de diversas entidades deportivas locais co fin de achegar aos cidadáns de Arteixo. O obxectivo é promover hábitos de vida saudables na ocupación do lecer en períodos vacacionais. Por isto, a Concellería de Deportes a través deste programa, contrubúe a fomentar o asociacionismo, apoiando o tecido local coas distintas actividades nas que colabora.

Cursos de surf

1.    Prazo de preinscrición: Do 1 ao 10 de xuño O impreso de preinscrición poderase recoller de xeito presencial  no Servizo Municipal de Deportes con cita previa, podendo solicitarse no número 981659172 ou a través do correo electrónico deportes@arteixo.org. Do mesmo xeito poderá descargalo na páxina web municipal www.arteixo.org. Deberase entregar nas oficinas do Servizo Municipal de Deportes con cita previa, en horario de atención ao público (de luns a venres de 9:00 a 14:00 horas). Asimesmo poderase enviar á dirección deportes@arteixo.org.

2.    Exposición de persoas preinscritas: A partir do 14 de xuño na páxina web municipal.

3.    No caso que o número de solicitudes supere ao das prazas ofertadas, terá lugar un sorteo público procedéndose á asignación de prazas a partir da primeira letra do primeiro apelido, tendo preferencia as persoas empadroadas no Concello de Arteixo.

4.    Sorteo público: 17 de xuño ás 11:00 h no Pazo dos Deportes

5.    Exposición da listaxe de persoas admitidas: A partir do 18 de xuño na páxina web municipal

6.    Prazo de matrícula: Do 21 ao 24 de xuño. É obrigatorio entregar o xustificante de pagamento, exclusivamente no Servizo Municipal de Deportes con cita previa ou na dirección deportes@arteixo.org. No caso contrario, procederase á anulación da praza.

7.    De quedaren prazas libres, seguirán facéndose inscricións directas a partir do 28 de xuño

8.    Pódese efectuar o pago do prezo público nas entidades bancarias habituais ou a través do TPV virtual na páxina web municipal (http://www.arteixo.org/servizos/pagos-online).