O martes 12 de febrero, na Coruña, de 17 a 19 horas, Manaia organiza a difusión dun documental sobre a adopción no Centro Cívico de San Diego.
Esta actividade de Manaia, asociación galega de adopción e acollemento, enmárcase no Programa de preparación, apoio e acompañamento ás familias adoptivas.
Este mesmo día Manaia ofrece un espazo de información e acompañamento onde calquera familia, independentemente do momento do proceso no que se atope, poderá facer calquera consulta ou resolver calquera dúbida. O horario de atención é de 11:00 a 14:00 e de 16:00 a 20:00 horas. Precísase solicitar cita previa en [email protected] ou no 665 992 687.
Estas actividades son de balde e abertas a todas as familias adoptivas ou en espera de adopción, sexan ou non socias de MANAIA.
