O Entroido volve con forza a Carballo con máis de oito mil euros en premios.
Volve o concurso de disfraces, comparsas e carrozas ao domingo de Entroido con máis de 8.000 euros en premio .
Desde o Concello din que "O Entroido volve a Carballo con toda a forza e máis ganas ca nunca de desfrutar dunha das manifestacións máis representativas do noso patrimonio inmaterial. Despois de dous anos de ausencia por mor da situación sanitaria, o 19 de febreiro celebraremos o tradicional desfile e concurso de disfraces, comparsas e carrozas, que encherá de animación a Praza do Concello e as rúas do centro urbano a partires das 18.00 horas".
Así o concurso de disfraces de Carballo repartirá máis de 8.000 euros entre premios e gratificacións. Está a piques de abrirse o prazo de inscripción.
As comparsas e carrozas poderán anotarse dende o día seguinte á publicación da convocatoria no Boletín
Oficial da Provincia (BOP) ata o 15 de febreiro. As inscricións poderán realizarse a través do rexistro xeral ou dos rexistros auxiliares do Concello de Carballo así coma na sede electrónica.
No caso de grupos, parellas e participantes individuais, o prazo alóngase ata o día 19, e as inscricións tamén poderán facerse o mesmo día do concurso, entre as 16.00 e as 17.00 horas, na Praza do Concello.
